काठमाडौं, २४ भदौ । हेराल्ड एजुकेशन नेटवर्कबाट सञ्चालित हेराल्ड इन्टरनेशन कलेजले यो वर्षदेखि कानुन संकायअन्तर्गत स्नातक तहमा बीए.एलएलबी कोर्स पढाउन स्वीकृति पाएको छ । राजर्षि जनक विश्वविद्यालयको सम्बन्धनमा हेराल्डले यो वर्षदेखि ४० जना विद्यार्थीलाई बीए.एलएलबी पढाउने भएको हो ।
काठमाडौंको बसुन्धारास्थित अवस्थित हेराल्ड इन्टरनेश्नलले प्ले ग्रुपदेखि स्नातक तहसम्म अध्ययन अध्यापन गराईरहेको छ । कलेजमा कक्षा ११ मा विज्ञान, मानविकी, व्यवस्थापन र कानुन संकाय सञ्चालन भइरहेको छ । स्नातक तहमा पनि यो वर्षदेखि बीए.एलएलबी कोर्स सुरु गरिएको हो । पछिल्लो समय कानुनी शिक्षा विद्यार्थीहरुको रोजाइको विषय बनेको छ । कानुनमा स्नातक अध्ययनका लागि एलएलबी र बीए.एलएलबी गरी दुई वटा प्रोगाम रहेको छ । एलएलबी अध्ययनका लागि कुनै पनि एक विषयमा स्नातक पास गरेको हुनुपर्छ भने बीए.एलएलबीका लागि कक्षा १२ उत्तीर्ण भएका हुनुपर्छ ।
कानुनमा स्नातक अध्ययनका लागि अहिले निकै ठूलो प्रतिस्पर्धा हुने गरेको छ । यो मध्ये पनि बीए.एलएलबी कोर्ष विद्यार्थीहरुको विशेष रोजाइ बन्ने गरेको छ । सीमित कोटा, प्रतिस्पर्धाका कारण चाहेर पनि धेरैले कानुन पढ्न नपाइरहेको अवस्थामा हेराल्डले यो कोर्स पढाउन सुरु गरेको हो ।
प्रवेश परीक्षा उत्तिर्ण उत्कृष्ट ४० जनाले यो शैक्षिक शत्रमा भर्ना हुन पाउने छन् । कानुनी शिक्षामा विद्यार्थी र अभिभावकहरुको बढ्दो आकर्षणलाई ध्यान दिँदै यो शैक्षिक शत्रबाट बीए.एलएलबी कोर्स सुरु गरिएको हेराल्ड एजुकेशन नेटवर्कका अध्यक्ष कपिल ज्ञवालीले जानकारी दिए ।
उपयुक्त र आधुनिक प्रविधियुक्त शैक्षिक वातावरण पढाइ हुने हेराल्ड इन्टरनेशनलको नतिजा पनि उत्कृष्ट रहेको छ । हेराल्ड इन्टरनेशनलले उत्कृष्ट शैक्षिक क्रियाकलापसँगै विद्यार्थीहरुको आन्तरिक क्षमता अभिबृद्धिका लागि विभिन्न प्रकारका अतिरिक्त क्रियाकलाप र खेलकुदमा विशेष जोड दिँदै आएको छ ।
