काठमाडौँ, १२ जेठ । प्रधानसेनापति राजेन्द्र क्षत्री संयुक्त राज्य अमेरिकाको औपचारिक भ्रमण सम्पन्न गरी आज स्वदेश फर्कनुभएको छ ।
प्रधानसेनापति क्षत्रीलाई त्रिभुवन अन्तर्राष्ट्रिय विमानस्थलमा सेनाका बलाधिकृत रथी बलदेवराज महतले स्वागत गर्नाका साथै सेनाको एक टुकडीले सम्मान गारत अर्पण गरेको थियोे ।
भ्रमणका क्रममा प्रधानसेनापति क्षत्रीले अमेरिकाको होनोलुलु हवाईमा सञ्चालित कार्यक्रममा एसिया प्रशान्त क्षेत्रसम्बन्धी ‘एसेसमेन्ट अफ थियटर’ विषयमा सम्बोधन गर्नुभएको सैनिक जनसम्पर्क निर्देशनालयले जनाएको छ ।
भम्रणका क्रममा उहाँले अमेरिकाका विभिन्न सैन्य एकाइका उच्चपदस्थ सैनिक अधिकारीसँग भेटघाट तथा दुई देशबीचको आपसी सम्बन्ध तथा सहयोगबारे अन्तक्र्रियासमेत गर्नुभएको थियो । सैनिक नेतृत्व तहको सो भ्रमणले दुई देशबीचको आपसी सैनिक सम्बन्ध थप प्रगाढ हुनाका साथै आपसी सम्बन्धमा नयाँ आयाम थपिएको विश्वास व्यक्त गरिएको छ । रासस
