काठमाडौं, १५ जेठ । दिलप्रकाश याक्सोको निर्देशनमा बनेको नेपाली चलचित्र ‘मुर्चुङ्गा’को गीत सार्वजनिक गरिएका छन् । काठमाडौँमा पत्रकार सम्मेलन गर्दै फिल्म निर्माण टिमले फिल्ममा समावेश ‘दुई चुल्ठो’ र ‘ढुकढुक गर्ने’ बोलको दुई गीत सार्वजनिक गरेका हुन् ।
उदय सुब्बाको कथामा बनेको फिल्ममा कलाकारहरु जीवन लिम्बु, कला राई, बुद्धि तामाङ, सुरवीर पण्डित, बिष्णु सापकोटा, उदय सुब्बा, केदार उप्रेती, लक्षु शर्मा रश्मी भट्ट, मनोज राई, राजेन्द्र चोंङवाङ लगायतको मुख्य अभिनय छ । भीम चोंङवाङ, जीवन सुब्बा, राजेन्द्र चोंङवाङ र मनोज राईको लगानीमा तयार भएको यस फिल्मको प्रस्तुतकर्ता हरि उप्रेती हुन् ।
नेपालको सुदुर पूर्वको जनजीवनमा बनेको यस फिल्ममा दिनेश पाख्रिनको नृत्य, बिकास चौधरीको संगीत दिपक लामाको सम्पादन,उदय सुब्बा र देव नेपालको संवाद एवम् राजन, राजु र कैलासको द्वन्द समावेश छ । यस।यस इन्टरनेसनल फिल्म्स प्रा। लि द्वार निर्मित फिल्मलाई विक्रम डी।सीले छायांकन गरेका हुन् ।
फिल्म देशको विधमान अवस्थालाई मध्य नजर गर्दै पहिले विदेशमा फिल्म प्रदर्शन गर्ने र त्यसपछी मात्र फिल्म नेपालमा प्रदर्शन गरिनेछ ।
