काठमाडौ, २८ ।असार आन्तरिक राजस्व विभागका महानिर्देशक चुडामणि शर्मालाई शुक्रवार अदालतमा उपस्थित गराउन सर्वोच्च अदालतले अख्तियार दुरुपयोग अनुसन्धान आयोगका नाममा आदेश जारी गरेको छ ।
आयोगले शर्मालाई गैरकानूनी रुपमा थुनामा राखेको भन्दै बन्दीप्रत्यक्षीकरणको रिट परेको थियो । न्यायाधीश पुरुषेत्तम भण्डारीको एकल इजलाशले अख्तियारलाई सो आदेश दिएको हो ।
शर्माकी श्रीमती कल्पना उप्रेतीले मंगलवार सर्वोच्चमा रिट हालेकी थिइन् । अख्तियारले उनीसँग ३ अर्ब २ करोड २२ लाख ५० हजार ४ सय ३९ रुपैयाँ ६६ पैसा धरौटी रकम मागेको थियो । रिटमा शर्मासँग अमानविय हिसावले धरौटी मागेको समेत उल्लेख गरिएको छ ।
