पोखरा, ३२ साउन । कास्कीको माछापुच्छ«े गाउँपालिका–५, रिभान पात्लेका बाढी पीडितलाई आज ग्याससहितको सिलिण्डर र चुल्हो वितरण गरिएको छ ।
रोटरी क्लव अफ न्युरोडले बाढीवाट पीडित १३ घर परिवारलाई एक एकवटा ग्यास सिलिण्डर र चुल्हो वितरण गरेको वडाध्यक्ष जुमबहादुर गुरुङले जानकारी दिनुभयो ।
कास्कीका प्रमुख जिल्ला अधिकारी ताराप्रसाद अधिकारी, संस्थाका अध्यक्ष प्रेमप्रसाद शर्मा, वडाध्यक्ष गुरुङलगायतले करिब रु ७१ हजार बराबरको राहत वितरण गर्नुभएको थियो ।
बाढी पीडित परिवारलाई एसओएस वहिनी संस्थालगायतले ४४ बण्डल कर्कटपाता वितरण गरेका छन् । त्यस्तै, खाद्यान्न, लत्ता कपडा, भाडावर्तन पनि बाढी पीडितलाई वितरण गरिएको छ ।
यही साउन २४ गते राति हुम्दी खहरे खोलामा आएको बाढी पात्लेगाउँमा पसेर १३ वटा घरलाई पूर्ण क्षति पु¥याएको थियो । रासस
