![](https://reportersnepal.com/wp-content/uploads/2017/07/kp-oli-and-madhav-nepal-768x512.jpg)
काठमाडौं, ३ भदौ । प्रधानमन्त्री शेरबहादुर देउवाले आफ्नो आसन्न भारत भ्रमणको बारेमा छलफल गर्न पूर्वप्रधानमन्त्रीहरुलाई बोलाएका छन् ।
प्रधानमन्त्री निवास बालुवाटारमा सुरु भएको छलफलमा पूर्वप्रधानमन्त्रीहरु भेला भैसकेका छन् । देउवाको यही भदौ ७ गतेदेखि भारत भ्रमण हुँदैछ । भ्रमणको विषयमा केन्द्रित रहेर देउवाले छलफल प्रारम्भ गरेका हुन् ।
तर बैठकमा प्रमुख प्रतिपक्षी दल नेकपा एमालेका अध्यक्ष समेत रहेका पूर्वप्रधानमन्त्री केपी शर्मा ओली र बरिष्ठ नेता एवम् पूर्वप्रधानमन्त्री माधव कुमार नेपालले बहिष्कार गरेका छन् । स्रोतका अनुसार दुवै नेता अहिले काठमाडौं उपत्कामा नै छन् ।