२३ असोज, काठमाण्डौ । काठमाडौँको नयाँ बानेश्वरमा गोली चलेको छ । महानगरीय प्रहरी परिसर काठमाडौँका अनुसार गोली लागेर निर्माण व्यवसायी महासंघका अध्यक्ष शरद्कुमार गौचन घाइते भएका छन् । शान्तिनगरस्थित ॐ शान्ति चोकनजिकै निर्माण व्यवसायी संघका अध्यक्ष शरदकुमार गौचनमाथि गोली प्रहार भएको हो ।
मोटरसाइकलमा आएका दुई जनाले मोटरसाइकल रोकी दुई देखि तीन सय मिटर पैदल हिँडी गोली चलाएका थिए ।
उनीमाथि दुई राउण्ड गोली हानिएको प्रहरीले जनाएको छ । दुवै गोली उनको पेटमा लागेको छ । उनलाई उपचारको लागि बानेश्वरस्थित सिभिल अस्पतालमा राखिएको छ ।
उनीमाथि गोली प्रहार गर्नेको खोजी भइरहेको प्रहरीले जनाएको छ ।
