काठमाडौं, २ कार्तिक । गायक सुनील खत्रीको स्वर रहेको ‘मन परेको मान्छे’ बोलको गीतको म्युजिक भिडियो सार्वजनिक भएको छ । गीत तिहारको अवसर पारेर बुधबार सार्वजनिक गरिएको हो ।
रेडियोमा बज्दै श्रोताको मन जित्न सफल गीत म्युजिक भिडियो बनेपछि टेलिभिजनमा समेत प्रसारण हुन थालेको छ । गीत युट्युबमा समेत राखिएपछि एकै दिनमा चार हजारले हेरेका छन् ।
रामलीला आचार्यको शब्दमा अनिश श्रेष्ठको संगीत रहेको गीतमा सुन्दर लामाले एरेन्ज गरेका हुन् । कञ्चन पोखरेलको निर्देशन रहेको म्युजिक भिडियोमा महेश्वर न्यौपाने र दिव्या नेपालले अभियन गरेका छन् । कोरियोग्राफर हरिश खनाल, क्यामरा राजेन्द्र श्रेष्ठ, रुपेश महतको सम्पादन छ ।
गायक खत्री पछिल्लो समय आधुनिक गीतमा जमेका छन् । उनका अधिकांश गीत प्रेम र वियोगसँग सम्बन्धित छन् । हारमोनियम, गीतार, तबला, मादललगायतका वाद्यवाधनमा समेत निपुर्ण सुनीलसंगीत शिक्षक हुँदै शिक्षण पेशामा प्रवेश गरेका थिए ।
साथीहरूसँग मिलेर हाल काठमाडौंस्थित पेप्सिकोलास्थित बेष्ट ग्रुप भिजन स्कुल संचालन गर्दै आएका उनी शिक्षा सम्वद्ध संघसंस्थामा समेत आवद्ध छन् ।
