काठमाडौँ, १३ कात्तिक। गतवर्ष चितवनको फिस्लिङमा तरकारी बोक्दै गरेको फोटो सामाजिक सञ्जालमा भाइरल बनेपछि एकाएक चर्चामा आएकी कुसुम श्रेष्ठ चलचित्रमा अभिनय गरेको खुलासा भएको छ । श्रेष्ठ ‘लम्फू’ नामक चलचित्रको नायिका बनेकी हुन् ।
गोपालचन्द्र लामिछानेले निर्देशक गर्ने चलचित्र ‘लम्फु’ मा अभिनय गर्ने भएपछि श्रेष्ठको चर्चा बढेको छ । पपुलर मल्टिमिडियाका लागि शक्तिबल्दभ घोरासैनीले निर्माण गरेको ‘लम्फू’मा कबिर खड्का, सलोन बस्नेत, चाँदनी शर्मा, मरिश्का पोखरेल, सञ्जित भण्डारी लगायतका कलाकारको अभिनय रहेको छ ।
‘लम्फु’को छायांकन अघिल्लो बर्ष नै भएको थियो । तर पनि निर्माण युनिटले कुशुमको अभिनय गोप्य राखेको थियो । तर अहिले चलचित्र रिलिजको मिति नजिकिदै गर्दा निर्माण युनिटले यो बिषय बाहिर ल्याएको हो ।
