धनगढी । कैलालीमा वाम गठबन्धनका उम्मेदवारको गाडीमा आगजनी भएको छ । बिहान साढे ३ बजेतिर अज्ञात समुहले निर्वाचन क्षेत्र नम्बर २ को क बाट प्रदेशसभाका उम्मेदवार रतन थापाको गाडीमा आगजनी गरेको हो ।
प्रहरीका अनुसार लम्की चुहा नगरपालिकामा रहेको थापाको घर पछाडि रहेको ग्यारेजमा राखिएको बा १६ च ६८९९ नम्बरको गाडीमा आगजनी भएको हो । त्यो गाडी थापाले चुनावी प्रचारका लागि प्रयोग गरिरहेका थिए । आगजनीमा संलग्नहरुको खोजी भइरहेको ईलाका प्रहरी कार्यालय लम्कीका इन्चार्ज नैन बहादुर साउदले जानकारी दिए ।
