कलैया, २७ मंसिर (रासस) : कलैया उपमहानगरपालिका–२० वस्तपुरमा आज दिउँसो आगलागी हुँदा करिब रु १७ लाख बराबरको धनमाल नोक्सानी भएको जिल्ला प्रहरी कार्यालय बाराले जनाएको छ ।
दाइँ भइरहेको खलोमा बालिएको घुरबाट आगो फैलेर सोही ठाउँ बस्ने मनोज साहको घर जल्दा करिब १० लाखको क्षति भएको प्रहरी प्रवतmा भुनेश्वर साहले जानकारी दिनुभयो । साहको घरसँगै टाँसिएका जोखन ठाकुर लोहारको घर जल्दा रु पाँच लाख, धनधारी मण्डलको घर जल्दा रु एक लाख र रामसोनार मण्डलको घर जलेर रु एक लाखको धानसहित १७ लाखको क्षति भएको प्रहरी उपरीक्षक राजकुमार वैदवारले बताउनुभयो ।
कलैया उपमहानगरपालिका, वीरगंज उपमहानगरपालिकाबाट आएको वारुणयन्त्र, स्थानीयबासिन्दा र प्रहरीको सहयोगमा आगोलाई नियन्त्रणमा लिइएको प्रहरी उपरीक्षक वैदवारले जानकारी दिनुभयो । –––
