काठमाडौं, ४ पुस । भावी प्रधानमन्त्रीको रुपमा चर्चामा रहेका नेकपा एमालेका अध्यक्ष केपी शर्मा ओली आज एक्कासी उत्तरी सीमा नाका रसुवागढी भ्रमणमा पुगेका छन् ।
ओलीले केरुङ–काठमाडौं–पोखरा–लुम्बिनी रेल्वेलाई आफ्नो पहिलो प्राथमिकतामा राखेका छन् । प्रधानमन्त्री बन्नुअघि उत्तरी नाका केरुङ नाका निरीक्षण गर्न ओली अचानक पुग्नुलाई अर्थपूर्ण रुपमा हेरिएको छ ।
अध्यक्ष ओलीसँगै एमाले महासचिव ईश्वर पोखरेल र संविधानसभाका पूर्व अध्यक्ष सुवास नेम्वाङ पनि छन् ।
यता नेकपा माओवादी केन्द्रसँग एकताको प्रयास भैरहेको बेला ओलीले आफ्ना नजिकका नेताहरुलाई लिएर रसुवागढी भ्रमणमा जानुलाई पनि अर्थपूर्ण रुपमा हेरिएको छ ।
