२० पुस, काठमाण्डौ । नेकपा एमालेका अध्यक्ष केपी शर्मा ओली प्रधानमन्त्री बनेलगत्तै चिनिया राष्ट्रपति सी जिनपिङ नेपाल आउने भएका छन् । चिनले ओली प्रधानमन्त्री बनेपछि सी जिनपिङ नेपाल भ्रमणमा आउने सन्देश पठाएको हो ।
चिनले माओवादी र एमालेबिच पार्टी एकतालाई पनि प्राथमिकतामा राखेको छ । दुई पार्टीबिच एकता भएर नयाँ सरकारको नेतृत्व ओलीले गरेपछि सी जिनपिङ नेपाल आउने जानकारी गराएको छ ।
नेपालमा कम्युनिष्ट सरकार बनेपछि चिनको नेपाल नीति फराकिलो बनाउनेसमेत उल्लेख गरेको छ । सम्बन्ध विस्तारका लागि नेपाललाई चिनले उच्च प्राथमिकतामा राखेको हो । विगतमा नेपाल–चिनबिच भएका सम्झौता कार्यान्वयनका लागि पनि चिनले अग्रसरता देखाउने बताइएको छ ।
