काठमाडौँ, १५ चैत्र । चार वटा नमूना वस्ती निर्माण गरेका कलाकार सिताराम कट्टेल ‘धुर्मुस’ले अन्तर्राष्ट्रिय क्रिकेट रंगशाला निर्माण गर्ने घोषणा गरेका छन् ।
धुर्मुसले भने,‘रंगशाला निर्माणको संयोजन तपाईंहरुले गरिदिनुपर्यो भनेर सुझाव आइरहेको थियो, क्रिकेटले अहिले पाएको सफलतालाई कायमै राख्दै क्रिकेट रंगशाला निर्माणको निर्णयमा पुगेका छौं ।’
नमूना नेपाल परियोजनाको कामसमेत अघि बढिरहेका बेला क्रिकेटको स्तरोन्नतीका लागि र खेलाडीको मनोबल बढाउन रंगशालाको परियोजना अगाडि बढाउने निष्कर्षमा पुगेको धुर्मुसले बताए । रंगशाला निर्माणको संयोजनमात्रै फाउण्डेसनले गर्नेछ भने निर्माणका लागि अलग्गै समिति बनाइनेछ ।
