काठमाडौं, ३ बैशाख । स्पेनिस लिग फुटबलमा रियाल मड्रिडले मालागालाई २-१ ले हराएको छ । गएराती मालागाको मैदानमा भएको खेलमा रियाल मड्रिडलाई विजयी गराउन ईस्को र क्यासेमिरोले एक एक गोल गरे ।
पराजित टोली मालागका डिएगो रोलानले नियमित समयको अन्तिम मिनेटमा एक गोल फर्काए । जितसँगै रियाल मड्रिड ला लिगा अंक तालिकाको तेस्रो स्थानमा उक्लिएको छ ।
३२ खेलबाट उसको ६७ अंक भएको छ । समान खेलबाट ७१ अंक जोडेको एथ्लेटिको मड्रिड दोस्रो स्थानमा रहँदा शिर्ष स्थानको बार्सीलोनाको ८२ अंक छ ।
ला लिगामा गएराती एथ्लेटिको मड्रिडले लेभान्तेलाई ३-० ले हराँउदा गेटाफेले ईस्पानियोललाई तथा आलाभेजले आईबारलाई १-० ले हराएका छन् ।
एजेन्सीको सहयोगमा
