स्पेन, ७ बैशाख । स्पेनिस ला लिगा फुटबलमा दोस्रो स्थानमा रहेको एथ्लेटिको मड्रिड गएराति भएको खेलमा रियल सोसियडाडसँग ३–० ले पराजित भएको छ ।
एथ्लेटिकोको हारले लिग लिडर बार्सिलोनालाई भने अन्तर फराकिलो बनाउन सजिलो भएको छ । बार्सिलोना ला लिगाको २५ औं उपाधि नजिक पुगेको छ ।
घरेलु मैदानमा भएको खेलमा सोसिडाडलाई जिताउन हुवानमाईले दुई तथा विलियन जोसोले एक गोल गरे ।अंक तालिकामा बार्सिलोनाले १२ अंकको अग्रता लिएको छ । अब डिपोर्टिभो ला कोरुनासँगको खेल जिते बार्सिलोनाले चार खेल अगावै उपाधि जित्नेछ ।
