काठमाडौं, २६ बैशाख । नेकपा एमाले र नेकपा माओवादी केन्द्रबीच यही आउने जेठ ३ गते पार्टी एकता गर्ने सहमति भएको छ । प्रधानमन्त्री समेत रहेका एमाले अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल प्रचण्डबीच आज भएको छलफलमा दुई पार्टीको एकता जेठ ३ गते नै गर्ने सहमति भएको हो ।
एमाले नेता एवम् पूर्वमन्त्री आनन्द पोखरेलले पत्रकार ऋषि धमलालाई दिएको जानकारी अनुसार एमाले अध्यक्ष ओलीले प्रचण्डसँग सो दिनको लागि एकताको मिति तोकेका हुन् ।
आजै प्रधानमन्त्री ओलीलाई भेटेका नेता पोखरेलले धमलासँगको कुराकानीमा भने,‘जेठ ३ गते मदन भण्डारीको स्मृति दिवस हो, त्यही दिन पारेर एकता हुन्छ।’
