जनकपुर, २८ बैशाख । भारतीय प्रधानमन्त्री नरेन्द्र मोदीले आफ्नो स्वागतको लागि नेपालका प्रधानमन्त्री केपी शर्मा ओलीले जनकपुरमा स्वागत गरेकोमा धन्यवाद दिएका छन् ।
दुई दिने भ्रमणको लागि आज जनकपुर आईपुगेका मोदीले जानकी मन्दिर परिसरमा सम्बोधन गर्दै उनले यस्तो बताएका हुन् ।
मोदीले भने,‘ओलीजी मलाई स्वागत गर्न जनकपुर आउनुभयो, म उहाँ लगायत प्रदेश तथा नगर सरकारलाई पनि विशेष धन्यवाद दिन्छु ।’ आफूलाई गरेको भव्य स्वागतप्रति उनले आदरपूर्वक अभिनन्दन गरेका थिए ।
उनले नेपाली समकक्षी केपी शर्मा ओलीलाई ‘मेरे भाइसाब’ भन्दै आफ्नो स्वागतका लागि जनकपुर आएकोमा खुसी व्यक्त गरे । उनले जनकपुरमा आफूले पाएको सम्मान सिंगो भारतबासीका लागि भएको बताए ।
