वैशाख ३०, काठमाण्डौ । आइपिएलको डेब्यु खेलमा सबैको मन जित्न सफल नेपाली युवा लेग स्पिनर सन्दीप लामिछानेले आइपिएल खेलका क्रममा धेरै सिक्ने मौका पाएको बताएका छन् ।
औपचारिक खेल एउटा मात्रै खेले पनि डेड महिनाको अवधिमा धेरै कुरा सिकेको उनले बताएका छन् । ‘मलाई लाग्छ यो खाले अवसरले खेल क्षमता बढाउन निकै सहयोग गर्छ । खेल राम्रो हुन धेरै समय क्रिकेटमै व्यस्त हुनुपर्छ ।’ उनले भने ।
क्रिकेट डटकमसँगको कुराकानीमा लामिछानेले नेपालमा आफू जस्तै खेलाडी धेरै रहेको प्रतिक्रिया दिएका छन् ।
‘मैले जसरी आईपीएलमा अवसर पाएर सिकिरहेको छु । मजस्ता प्रतिभा नेपालमा धेरै छन् । यो एउटा सुरुवात हो अब नेपालका अन्य प्रतिभाले पनि अवसर पाउने आशा छ ।’ उनले भनेका छन् । ‘मैले जसरी आईपीएलमा अवसर पाएर सिकिरहेको छु । मजस्ता प्रतिभा नेपालमा धेरै छन् । यो एउटा सुरुवात हो अब नेपालका अन्य प्रतिभाले पनि अवसर पाउने आशा छ ।’
दिल्ली डेयरडेभिल्सबाट ४ ओभर बलिङ गर्दै २५ रन खर्चेर १ विकेट लिएका उनको बलिङ टिममा सबैभन्दा राम्रो देखिएको थियो । खेलमा दिल्ली ५ विकेटले पराजित भए पनि सन्दीपले गरेको बलिङ उत्कृष्ट थियो ।
शनिबार दिल्लीका प्रशिक्षक रिकी पोन्टिङले उनलाई क्याप दिएर पहिलोपटक खेल्ने अवसर दिएका थिए ।
