काठमाडौं, २२ जेठ । नेशनल पावर न्युज म्युजिक अवार्ड–२०१८ आज सम्पन्न भएको छ । नेपाली भाषाबाहेकका विभिन्न ८ वटा भाषाहरुलाई उत्कृष्ट गीत र भिडियोलाई अवार्ड प्रदान गरिएको हो । बाँकी मैथली, भोजपुरी, मारवाडी र गुरुङ भाषाका गीतहरुलाई सम्मान गरिएको हो । उनीहरुलाई प्रोत्साहनको लागि सम्मान गरिएको हो ।
काठमाडौंको जमलस्थित् राष्ट्रिय नाँचघरमा आयोजित उक्त कार्यक्रममा मकवानपुर चलचित्र पत्रकार शाखाका अध्यक्ष मनिराज गौतमलाई रु पाँच हजार एक सयसहित पत्रकारिता पुरस्कारद्धारा आज सम्मान गरिएको छ । त्यसैगरि समाजमा विभिन्न विद्यामा ख्याँति कमाएका व्यक्तिहरुलाई सम्मान गरिएको थियो ।
प्रमुख अतिथि कानूनमन्त्री शेरबहादुर तामाङ, बरिष्ठ पत्रकार ऋषि धमला, राष्ट्रिय गीतका रचायता प्रदिप राई व्याकुल माईला, पूर्व सांसद हरिचरण साह, गैरआवासीय नेपाली संघ एनआरएनएका कोषाध्यक्ष हिक्मत थापा लगायतले पुरस्कार तथा सम्मान प्रदान गरेका थिए ।
पत्रकार धमलाले बरिष्ठ चलचित्र पत्रकार शान्ति प्रियालाई सम्मान प्रदान गरेका थिए ।
नेपाली हुनुमा गर्व गरौँ नेपाली भाषा र संस्किृतीको जगेर्ना गरौँ भन्ने मुल नाराका साथ नेपालकै पहिलो समावेशी अवार्ड नेशनल पावर न्युज म्युजिक अवार्ड २०१८ को उत्कृष्ठ १० को प्रमाणपत्र प्रदान कार्य सम्पन्न भएको छ ।
