काठमाडौं, ३ असार । लामो समयदेखि फिल्मी संसारबाट टाढा रहेकी बलिउड नायिका आयशा टाकियाले सामाजिक सञ्जालमा आफ्नो फोटो सार्वजनिक गर्दै पूनः अर्को सनसनी मच्चाएकी छन ।
आयशाले फोटोसेसन गोरेगाँउको एक स्टुडियोमा गराएकी हुन जसमा उनी हरियो रंगको कुर्ता शुरुवालमा अधिक ’ग्ल्यामर‘ देखीएकी छिन ।
आयशाले हालसालै आफनो ओठ तथा आँखीभौंको शल्यक्रिया गराएकी थिइन जसको कारण सार्वजनिक गरिएका तस्विरहरुमा उनी निकै परिवर्तित देखिँदै छिन ।
विवाहपश्चात् आयशा फिल्मी संसारबाट टाढाजस्तै छिन् । फिल्मको स्क्रिप्ट पढ्न सुरु गरिसकेकी आयशाका अनुसार घरपरिवारको जिम्मेवारी समाहल्नको लागी उनी केहि समयकालागी मात्रै टाढा भएको र चाडै पुनः फिल्म ईण्डस्ट्रिजमा र्फकने बोरमा पनि खुलासा गरेकी छिन ।
अर्को कुरा आजभोलि आयशा आफनो फिटनेसलाई लिएर निकै सचेत पनि छिन् । उनको पहिलो फिल्म ‘टार्जन द वंडर कार’ २००४ मा प्रदर्शनमा आएको थियो । जसमा उनलाई फिल्म फेयर बेस्ट डेब्यु फीमेल अर्वाड पनि दिईएको थियो । २००६ मा अर्काे फिल्म ‘डोर’ ले उनलाई जी सिने बेस्ट एक्ट्रेसको अर्वाड दिलाएको थियो ।
सलमान खानको साथमा रहेको फिल्म ‘वान्टेड’ आयशाको सबभन्दा सफल फिल्म मानिन्छ । उनले ‘दिल मागे मोर’, ‘शादी न. १’, ‘शादी से पहले’, ‘कैश’, ‘पाठशाला’, ‘दे ताली’जस्ता फिल्ममा काम गरिसकेकी छिन् । एजेन्सीको सहयोगमा
