असार ८, काठमाण्डौ । रसिया विश्वकपको उपाधि दाबेदारमध्ये एक ब्राजिलले आज आफ्नो दोस्रो खेलमा कोस्टारिकासँग खेल्दैछ ।
प्रतियोगितामा पहिलो खेलमा स्वीस टोलीसँग बराबरी खेल्दै अंक बाँडेको ब्राजिल खाजको खेलमा जित्नै पर्ने दबाबमा छ ।
तर अघिल्लो खेलमा ब्राजिलका नेमारलाई धेरै फल हानिएको थियो । उनी अहिले पूर्ण फिट छैनन्, जसले गर्दा आजको खेल खेल्ने वा नखेल्न निश्चित छैन ।
उनले ३ दिनअघि ब्राजिलको ट्रेनिङ सेसन छाडेका थिए । यस्तै डिफेण्डर ड्यानिलो चोटका कारण नखेल्ने र उनको स्थानमा फागनरले खेल्ने सम्भावना छ ।
पहिलो खेलमा १ अंक मात्र जोडेको ब्राजिल समूह इ मा कोस्टारिका विरुद्ध दोस्रो खेल खेल्दा जितको खोजीमा हुनेछ । यी दुईबीच खेल साँझ ५ ४५ बजे सेन्ट पिटर्सवर्गमा हुनेछ ।
अहिलेसम्मको सबै २० वटा विश्वकप खेलेको र विश्वकपको सदाबाहर दाबेदार कोस्टारिका विरुद्धको खेल् जित्दै अन्तिम १६ को यात्रा सहज बनाउने दाउमा हुनेछ ।
ब्राजिल र कोस्टारिका यसअघि १० पटक भिडेको मा ब्राजिल ९ पटक विजयी भएको छ । यस्तै कोस्टारिकाले दक्षिण अमेरिकी राष्ट्रलाई अहिलेसम्म विश्वकपमा एकपटक मात्र पराजित गरेको छ ।
विश्वकप फुटबल अन्तरगत आजै समुह डि र समुह इका दूइवटा खेल हुँदैछन् । पहिलो खेलमा नाइजेरियाले आइसल्याण्डको सामना गर्दैछ भने दोस्रो खेलमा सर्बिया बिरुद्ध स्वीटजरल्यान्ड भिडदै छन् ।
सम्बन्धित समाचार:
ब्राजिलले विश्वकप जित्ने विश्वास छैन : पेले
ब्राजिलमा एउटै खेलमा १० वटा रातो कार्डको कीर्तिमान
राष्ट्रिय टिमलाई समर्थन गर्न ६० हजार ब्राजिलियनले रुसको टिकट काटे
एक आत्माघाती गोलको बदला मृत्यु
विश्वकप फुटबल अन्तरगत समुह डिको प्रतिस्पर्धामा नाइजेरिया र आइसल्यान्डबीच नेपाली समयअनुसार ८ बजेर ४५ मिनेट जाँदा भिडन्त हुँदैछ । यस समूहमा यी दुई टोलीलाइ कमजोर आँकिएको छ भने क्रोएशिया र अर्जे्न्टिना बलियो मानिएका छन् । क्रोएशियासँग पहिलो खेल गुमाएको नाइजेरिया आज कुनै पनि हालतमा जित निकाल्न चाहन्छ किनकी उसले अन्तिम खेलमा अर्जे्न्टिनाको सामना गर्नुपर्नेछ ।
यसअघि अर्जे्न्टिना विरुद्धको खेलमा पुुरै रक्षात्मक देखिएको आइसल्यान्डले आफ्नो रणनीतिमा सफल हुँदै खेल बराबर गरेको थियो । आजको खेलमा काउन्टर एट्याकमा ध्यान दिदैं महत्वपूर्ण ३ अंक बटुल्ने लक्ष्य आइसल्यान्डको छ । यो खेलमा नाईजेरियाले विश्वकपमा सामेल अरु टिमहरु संग भिडनको लागि आजको खेल जित्न जरुरी रहेको छ । फिफा बरियातामा आइसल्याण्ड बाइसौँ स्थानमा छ भने नाइजेरिया ४८ औँ स्थानमा छ ।
अंक तालिकामा आइसल्याण्ड एक अंकका साथ दोस्रो स्थानमा छ भने नाइजेरिया शुन्य अंकका तालिकको पुछारमा छ । आज हुने अर्को खेलमा सर्बिया बिरुद्ध स्वीटजरल्यान्ड भिडदै छ । आफ्नो पहिलो खेलमा ५ पटकको विजेता ब्राजिल विरुद्ध गोल फर्काएको स्वीटजरल्यान्ड जति उत्साहित छ । कोस्टारिका विरुद्धको सुरुवाती खेल जितेको सर्बिया उत्तिकै आत्मविश्वासका साथ मैदानमा उत्रनेछ । युरोपका यी दुई टोलीबीचको खेल आक्रामक हुने अनुमान लगाइएको छ, किनकी दोस्रो चरणमा पुग्नका लागि दुबै टोली आजको खेल जित्न चाहन्छन् ।
पहिलो खेल जितिसकेको सर्बिया आज विजयी हुनसके सिधैं दोस्रो चरणका लागि छनोट हुनेछ । खेल स्वीटजरल्यान्डले जितेको खण्डमा दोस्रो चरण प्रवेशका लागि उसले अन्तिम खेलसम्म कुर्नुपर्नेछ ।
यो खेल नेपाली समयअनुसार ११ बजेर ४५ मिनेट जाँदा हुनेछ । जितका लागि आजको खेल दुबै टोलीलाई खेल जित्नु पर्ने चुनैती बनेको छ ।
फिफा बरियातामा सर्विया ३४ औँ स्थानमा छ भने छैटौँ स्थानमा रहेको छ । एक एक खेल खेलेका यि दुई टिममध्ये तीन अंकसहित सर्विया अंक तालिकाको पहिलो स्थानमा छ भने स्विजरल्याण्ड एक अंकसहित तेस्रो स्थानमा छ ।
