असार २१, काठमाण्डौ । नेपाली कांग्रेसका प्रवक्ता विश्वप्रकाश शर्माले एउटा नागरिकले देश र जनताका लागि उठाएको आवाजलाई अधिनायकवादी भन्नु गृहमन्त्रीले गृहमन्त्रीले गलत कुरा गरेको बताएका छन् ।
प्राइम टाइम्स टेलिभिजनको कार्यक्रम जनता जान्न चाहन्छन्मा ऋषि धमलासँग कुरा गर्दै शर्माले जुम्लामा जीवन मरणको दोसाँधमा रहेर अनशन बसिरहेका गोविन्द केसीका बारेमा नकारात्मक टिप्पणी गर्ने बेला नभएको बताए ।
न्यूज २४ मा सिधा कुरा जनतासँग कार्यक्रम संचालक रवी लामिछाने र नेपाल टेलिभिजनका सिधा कुरा कार्यक्रम संचालक राजु थापामाथि सरकारले हस्तक्षेप गरेकोमा पनि शर्माले आपत्ति जनाए ।
गलत काम गरेको खण्डमा जोसुकैलाई कारबाही गरिनुपर्ने भए पनि अनावश्यक रुपमा संचारमाध्यममाथि गरिएको हस्तक्षेप कांग्रेसलाई मान्य नहुने शर्माले बताए ।
ऋषि धमलाले नेपाली प्रेस जगतमा ठूलै क्रान्ति गरेको भन्दै शर्माले प्रशंसा गरे ।
फरक प्रसंगमा शर्माले यस पटकको विश्वकप ब्राजिल, उरुग्वे, बेल्जियम र इङ्ल्याण्डमाध्ये एउटाले जित्ने अनुमान गरे ।
