काठमाडौं, २४ असार । प्रसाद श्रेष्ठको प्रस्तुतीमा निर्माण भएको ‘साली कसको भेनाको’ नामक नेपाली चलचित्रको ट्रेलर आज सार्वजनिक गरिएको छ ।
भद्र भुजेलको निर्देशनमा तयार पारिएको उक्त चलचित्रको टे«लर बुढासुब्बाको युटुव च्यानलमार्फत आज सार्वजनिक गरिएको हो ।
चितवनको नारायणी किनार, काँस्कीको पोखरा र काठमाडौंका विभिन्न रमणीय ठाउँहरुमा छायांकन गरिएको उक्त चलचित्रले परिवारिक कथा वस्तुलाई उठाउन खोजेको निर्माण पक्षले रिपोर्टर्स नेपाल डटकमलाई जानकारी दिएको छ ।
दीर्घ गुरुङ्ले छायांकन गरेको चलचित्रमा विल्शन विक्रम राई, बुद्धि तामाङ, रजनी गुरुङ, देव सागर, मरिष्का पोखरेल, सुष्मा कार्की, जयनन्द लामा, कविता आले, वीरेन श्रेष्ठ लगायत कलाकारहरुको अभिनय रहेको छ ।
