असार ३२, काठमाण्डौ । जन्ती बोकेको बस दुर्घटना हुँदा सोमबार विहान उदयपुरमा एक भारतीय नागरिकको मृत्यु भएको छ ।
भारतको फारविसगञ्जबाट जन्ती लिएर आएको बिआर ११ जे ४४२८ नम्बरको बस त्रियुगा नगरपालिका ६ जलजलेभन्दा ४ किलोमिटर पश्चिम चुरे जंगलको सडकमा दुर्घटना भएको थियो।
आइतबार राति ११ बजे भएको दुर्घटनामा परी गम्भीर घाइते भएका वनवनपनरिया जिल्ला भारत बस्ने ३२ वर्षीय मनोज दासको सोमबार विहान उपचारको क्रममा जिल्ला अस्पताल उदयपुरमा मृत्यु भएको प्रहरीले जनाएको छ ।
बस अनियन्त्रित भएर दुर्घटना भएको अनुान गरिएको छ । दुर्घटनामा परेका दुलाहा र अन्य जन्ती भने सकुशल रहेको प्रारम्भिक अनुसन्धानले देखाएको छ ।
दुर्घटनालगत्तै चालक फरार रहेकाले उनको खोजी भइरहेको छ ।
