काठमाडौं, ३२ असार । मुभिङ पिक्चर्स प्रालिद्धारा निर्मित नेपाली कथानक चलचित्र साली कस्को भेनाको नयाँ गीत ‘माया तिमिलाई’ आज रिलिज भएको छ ।
भद्र भुजेलको निर्देशन रहेको उक्त चलचित्रको प्रस्तुतकर्ता प्रसाद श्रेष्ठ हुन् । श्रेष्ठ पुराना सपरहिट फिल्म कान्छी, सन्तान र कर्जाका निर्माता समेत हुन् ।
रामप्रसाद श्रेष्ठ, सुशील गोपाल न्याछ्यो, काजीमान श्रेष्ठ ‘बिशाल’, कमला भट्टराई, मुक्ति अधिकारी निर्माता रहेको उक्त चलचित्रको लेखक पुष्प आचार्य हुन् ।
चलचित्रको गीत पुष्प आचार्य र सुरज शाही ठकुरीले लेखेका हुन् भने संगीत प्रसाद श्रेष्ठ, सुरज शाही ठकुरीको साथै मिन घलानको रहेको छ । चलचित्रको छायांकन दीर्घ गुरुङले गरेका छन् ।
रबि र प्रकाशको द्धन्द्ध निर्देशन रहेको उक्त चलचित्रको नृत्य निर्देशन बसन्त श्रेष्ठ, गम्भीर बिष्ट र सुमीत लामाले गरेका छन् भने सम्पादन बनिष बाहले गरेका छन् ।
सम्बन्धित समाचार :
चलचित्र ‘सालि कसको भेनाको’ ट्रेलर सार्वजनिक (भिडियोसहित)
चितवनको नारायणी किनार, काँस्कीको पोखरा र काठमाडौंका विभिन्न रमणीय ठाउँहरुमा छायांकन गरिएको उक्त चलचित्रले परिवारिक कथा वस्तुलाई उठाउन खोजेको निर्माण पक्षले रिपोर्टर्स नेपाल डटकमलाई जानकारी दिएको छ ।
दीर्घ गुरुङ्ले छायांकन गरेको चलचित्रमा विल्शन विक्रम राई, बुद्धि तामाङ, रजनी गुरुङ, देव सागर, मरिष्का पोखरेल, सुष्मा कार्की, जयनन्द लामा, कविता आले, वीरेन श्रेष्ठ लगायत कलाकारहरुको अभिनय रहेको छ ।
