काठमाडौँ, १२ साउन । टेष्ट टोलीको मान्यता नपाएका राष्ट्रले विरलै मात्र खेल्न मौका पाउने इङ्ग्ल्याण्डको लर्ड्स स्टेडियममा नेपाली क्रिकेट टोलीले आगामी आइतवार दोस्रो पटक खेल्दैछ।
विश्वकै एउटा पुरानो क्रिकेट क्लब मार्लबोन क्रिकेट कल्ब एमसीसी को मैदान लर्ड्समा नेपालले एमसीसी र नेदरल्याण्ड्सको राष्ट्रिय टोलीसँग टी ट्वान्टी शैलीको खेल खेल्न लागेको हो।
ब्रिटेनमा रहेका झण्डै १० हजार नेपाली समर्थकहरू आउने विश्वास गरिएको उक्त खेलमा नेदरल्याण्ड्ससँगको खेलले आधिकारिक टी २० मान्यता पाएको छ।रासस
