काठमाडौं, २ पुस । प्रमुख प्रतिपक्षी दल नेपाली कांग्रेसको महासमिति बैंठक स्थगित गरेर बस्न लागेको केन्द्रीय समिति बैठक बस्दै नबसी स्थगित भएको छ ।
पदाधिकारी कति बनाउने भन्ने विषयमा सहमती हुन नसकेपछि बैठक बस्दै नबसी स्थगित भएको हो । बैठक ६ बजेसम्मको लागि स्थगित् भएको हो ।
सभापति शेर बहादुर देउवाले महासमिति बैठक सञ्चालनको जिम्मेवारी उपसभापति विजयकुमार गच्छदारलाई दिएर आफू केन्द्रीय समिति बैठकमा जान लागेपनि सभाबाट सभापति विनाको बैठक हुन नसक्ने भन्दै विरोध भएपछि महासमिति बैठक २ घण्टाको लागि स्थगित गरिएको थियो । तर, निर्वाचन प्रणाली र पदाधिकारीको संख्याको विषयमा सहमति हुन नसकेपछि केन्द्रीय समिति बैठक बस्दै नबसी स्थगित भएको हो ।
