काठमाडौं, ६ माघ। माछापुच्छ्रे बैंक लिमिटेडले थप तीन ठाउँमा आफ्नो शाखा विस्तार गरेको छ । बैंकले काठमाडौंको कुलेश्वर शाखा तनहुँस्थित भिमाद शाखा र कन्चनपुरस्थित आईबिआरडी एक्सटेन्सन काउण्टरलाई शाखामा स्तरोन्नती गरेको हो ।
शुक्रबार बैंकका अध्यक्ष तथा पूर्व सभासद डा. बिरेन्द्र प्रसाद महतोले कुलेश्वर शाखा कार्यालयका उद्घाटन गरे । नयाँ शाखाहरुमार्फत बैंकले आफ्ना ग्राहकहरुलाई कर्जा, निक्षेप लगायतका सम्पुर्ण बैकिङ्ग सुबिधा उपलब्ध गराएको छ ।
बैंकको कुलेश्वर शाखामा २४ सै घण्टा चल्ने एटीएमको पनि व्यवस्था गरिएको छ । यस सँगै काठमाडौं उपत्यकाभित्र बैंकको शाखा सङ्ख्या १९ पुगेको छ ।
