सर्लाही, २२ माघ । प्रमुख प्रतिपक्षी दल नेपाली कांग्रेसका प्रवक्ता विश्वप्रकाश शर्माले बहुमतको दम्भमा विवेक नगुमाउन सरकारलाई चेतावनी दिएका छन् । उनले भने,‘विवेक गुमाएर दम्भ देखाउने हो भने सरकार अप्ठ्यारोमा पर्छ ।’
मंगलबार नेपाल पे्रस युनियन सर्लाही शाखाले गरेको पत्रकार सम्मेलनमा शर्माले यस्तो चेतावनी दिएका हुन् । उनले बहुमतका आधारमा विवेक कुल्चिएर अघि बढे सरकार अप्ठेरोमा पर्ने चेतावनी दिए ।
उनले सरकारले भ्रष्टाचार नियन्त्रण गर्न चासो नदिएको पनि आरोप लगाए । त्यस्तै, वाइडबडी विमान खरिद प्रकरणमा भएको भ्रष्टाचारको घट्ना लुकाउन सरकार उद्धत रहेको पनि उनले आरोप लगाए । शर्माले भने,‘त्यही भएर हामी सरकारविरुद्ध आन्दोलनमा उत्रनुपरेको हो ।’
