फागुन १२, काठमाण्डौ । चर्चित कलाकार विल्सन विक्रम राईले नेपाली चलचित्र क्षेत्रको अवस्था सन्तोषजनक रहेको बताएका छन् ।
दर्शकहरु विदेशी फिल्म नै हेर्नुपर्छ भन्ने मान्यताबाट पछि हटेर हलमै गएर नेपाली फिल्म पनि हेर्न थालेको राईको दावी छ ।
प्राइम टाईम्स टेलिभिजनको कार्यक्रम जनता जान्न चाहन्छन्मा कलाकार राईले नेपाली चलचित्रको गुणस्तर पनि बढ्दै गएको जिकिर गरे ।
राई अभिनित चलचित्र क्याप्टेन यही फागुन १७ गते रिलिज हुन लागेको जानकारी दिदै राईले उक्त चलचित्र सफल हुने दावी गरे ।
त्यसैगरी मह संचारले निर्माण गरेको अर्को चलचित्र दाल भात तरकारीमा पनि आफूले अभिनय गरेको जानकारी दिदै उनले चलचित्रको डविङ चलिरहेको बताए ।
