विराटनगर, ६ चैत्र । नेपाल पाचौं महिला साफ च्याम्पियनसिपको फाइनलमा पुगेको छ । बुधबार विराटनगरमा भएको सेमिफाइनलमा श्रीलंकालाई ४–० ले हराउँदै फाइनलमा स्थान बनाउन सफल भएको हो ।
पहिलो पहिलो हाफमा १–० को अग्रता बनाएको नेपाली महिला टोलीले दोस्रो हाफमा ३ गोल गरेको हो । नेपालका लागि पहिलो गोल ४२ औं मिनेटमा डिफेन्डर पुनम जर्घा मगरले गरेकी थिइन ।
त्यसपछि, ७३ औं मिनेटमा अनिता बस्नेतले दोस्रो गोल गरिन । ८२ औं मिनेटमा साबित्रा भण्डारीले र ८६ औं मिनेटमा रेखा पौडेल गोल गरिन ।नेपालले उपधिका लागि बुधबार दिउँसो हुने दोस्रो सेमिफाइनल अन्तर्गत भारत र बंगलादेशबीचको विजेतासँग प्रतिस्पर्धा गर्नेछ ।
