काठमाडौं, १५ बैशाख । प्रमुख प्रतिपक्षी दल नेपाली कांग्रेसका नेता एवम् पूर्व उपप्रधानमन्त्री प्रकाशमान सिंहले संगठन मजबुत बनाउन कार्यकर्तालाई निर्देशन दिएका छन् ।
आइतबार संखुवासभामा आयोजित एक कार्यक्रममा बोल्दै उनले यस्तो निर्देशन दिएका हुन् । भेदभावपूर्ण व्यवहारले नेता–कार्यकर्तामा ऊर्जा भर्न नसकिएको स्वीकार गर्दै उनले अब पार्टीमा आन्तरिक एकता सुदृढ गरेर अगाडि बढ्नुको विकल्प नभएको बताए ।
नेता सिंहले भने,‘जनता कांग्रेसको पक्षमा छन्, जनता कांग्रेस राम्रो होस् भन्ने चाहन्छन्, तर कांग्रेस विधिविधान सम्वत तवरले चल्न सकेन । अब पार्टी्भित्र आन्तरिक सुदृढीकरण गरेर अगाडि बढ्नुको विकल्प छैन ।’
