इरानले अमेरिकाको ड्रोन खसालिदिएको छ । इरानले अमेरिकी सैन्य ड्रोनले आफ्नो हवाई क्षेत्र उल्लंघन गरेको भन्दै खसालिदिएको दाबी गरेको छ ।
अमेरिकाले भने ड्रोन अन्तर्राष्ट्रिय जल क्षेत्रमा रहँदा इरानले आक्रमण गरी खसालिदिएको दाबी गरेको छ ।सैन्य निगरानीका लागि उडेको अमेरिकी विमान खसालिदिएपछि राष्ट्रपति डोनाल्ड ट्रम्पले कडा धारणा सार्वजनिक गरेका छन् ।
ट्रम्पले ट्वीटमार्फत् भनेका छन्, इरानले ठूलो गल्ती गरेको छ । अमेरिका र इरानबीच तनाव बढ्दै जाँदा पछिल्लो घटना भएको हो ।
इरानले तेल बोकेको ट्यांकरमाथि ओमानको समुन्द्रमा आक्रमण गरेको आरोप लगाउँदै आएको छ । इरानले आरोप अस्वीकार गरेको छ । पछिल्लो घटनाले अरब क्षेत्रमा युद्धको कालो बादल मडारिएको छ ।
