सिराहा, ९ असार । उनी घाँस काट्न जंगल गएकी थिइन् । आइतबार कर्जन्हा नगरपालिकास्थित जंगल गएको अवस्थामा तीन युवकले घेरे । जर्बजस्ती बलात्कार गर्न खोजे । उनले प्रतिकार गर्न खोजिन् ।
युवकहरुले प्रतिकार गरे वा चिच्याएमा मार्ने धम्की दिए । १३ वर्षीया बालिकाको सुनसान जंगलमा सुन्ने कोही भएनन् । उनीमाथि तीनजना निर्दयीले पटक पटक बलात्कार गरे । कसैलाई भनेमा मार्ने धम्की दिएर गए ।
बालिकाले साहस देखाएर घरमा भनिन् । निर्दयीहरुको खोजविन भयो । प्रहरीले आइतबार साँझ बलात्कारमा संलगनमध्येको १८ वर्षीय श्याम महरालाई पक्राऊ गरेको जनाएको छ ।
घटनामा संलग्न दुई जना फरार छन् । प्रहरीले उनीहरुको खोजविन भइरहेको र चाँडै पक्राऊ पर्ने जानकारी दियो । बालिकाको स्वास्थ्य परीक्षण गरिएको र उपचार भइरहेको छ । पछिल्लो समय बालिका बलात्कारको घटना बढिरहँदा सिराहामा १३ वर्षीया बालिकामाथि बलात्कार भएको हो ।
