नशालु आँखाका आदित्य पञ्चलीको नाम बलिउडका धेरै नायिकासँग जोडियो । जो जो सँग जोडियो उनीहरुले शुरु करिअरको बखत आदित्यले यौन शोषण गरेको आोप लगाए । त्यसमध्ये एक हुन्—नायिका कन्गना रनौट । उनीमाथि करिअरको शुरु समयमा यौन शोषणको आरोप समेत लगाइन् ।
आदित्यले १७ वर्षकी रनौटमाथि यौन शोषण गर्ने गरेको आरोप समेत लागेको छ । आफूलाई बाबु उमेरका आदित्यले कुटपिट गर्ने गरेको खुलासा समेत रनौटले गरिन् । रनौटले घटनाको खुलासा गरेपछि आदित्य अप्ठ्यारोमा परे । उनीमाथि बलात्कारको अभियोग दर्ता भई छानविन शुरु भएको छ ।
रनौट शुरुवाती करिअरमा हुँदा सहयोग गरेको कुल खर्च भन्दै एक करोड भारतीय रुपैयाँ लिएको आरोप उनको सहयोगी रंगोली चन्डेलले लगाएकी छिन् । ट्वीटमार्फत् यो आरोप लगाएकी हुन् ।
त्यसअघि पनि पञ्चलीमाथि यौन दुव्र्यवहारका धेरै आरोप लाग्यो । एक समयमा उनी पूजा वेदीसँग डेटिङमा थिए । उनीहरुबीच रोमान्स चल्दै गर्दा पूजाको १५ वर्षीय घरेलु कामदारमाथि पञ्चलीले यौन शोषण गरे । उनीमाथि बलात्कारको आरोप लाग्यो । पञ्चलीले उमेर नपुगेकी केटीसँग बलात्कार नभई सहमतिमा यौन सम्पर्क गरेको स्वीकारे । उक्त घटनापछि वेदी पञ्चलीबाट टाढिए ।
उनका छोरा सुरज पञ्चलीमाथि नायिका जिया खानलाई आत्महत्या गर्न वाध्य पारेको आरोप लाग्यो । जियासँग प्रेम सम्बन्धमा रहेका सुरजले यातना दिने गरेको सुसाइड नोटमा उल्लेख भएपछि सुरज पक्राऊ परे ।
शुरु करिअरमा रहेका सुरजलाई जिया आत्महत्याले निकै धक्का पुग्यो । उनको चलचित्र रिलिज हुँदै गर्दा भएको घटनाले फिल्मी दुनियाँमा उनलाई अगाडि बढ्न असजिलो बनायो ।
