पूर्व विश्व नम्बर एक तथा पाँच पटककी विम्बल्डन टेनिस विजेता भेनस विलियम्सलाई आफूभन्दा २४ वर्ष कान्छी खेलाडीले हराएकी छिन् । विम्बल्डनको पहिलो राउण्डमा १५ वर्षीया कोरी गअफले भेनसलाई हराएकी हुन् ।
सोमबार सम्पन्न खेलमा छनोट खेलेर विम्बल्डन खेल्न पाएकी गअफले ६—४ र ६—४ को सोझो सेटमा भेनसलाई पराजित गरेकी हुन् । विम्बल्डनको इतिहासमा कान्छी खेलाडी बन्न सफल गअफ जीतपछि भावविह्ल बनेकी थिइन् । उनी रोएकी थिइन् ।
सन् २००४ मा जन्मिएकी गअफ जन्मिदा भेनस व्यवसायिक टेनिस खेलाडी बनेको १० वर्ष भइसकेको थियो । भेनस ३९ वर्ष र गोअफ १५ वर्षकी हुन् ।
Photo: CBS News
