“तिमीहरु मर !” जापानमा भएको आगलागीको घटनामा संलग्न व्यक्तिले यसो भन्दै स्टुडियोमा आगो लगाइदिएका थिए । २ साउनमा भएको घटनामा ३३ जनाको मृत्यु भइसकेको छ ।
आगलागीमा संलग्न ४१ वर्षीय व्यक्तिले क्योटोस्थित एनिमेशन स्टुडियोमा पसी प्रज्वलनशील झोल पद्धार्थ छर्कदै आगो लगाइदिएका थिए । आगो तुरुन्त फैलिएपछि ३३ जनाको ज्यान गएको हो । घटनामा ३६ जना घाइते छन् । घटनामा अधिकांश स्टुडियोका कर्मचारी परेका छन् ।
एनएचके जापानले आगलागीको दृश्य देखाएको छ । बाक्लो मुश्लोसहित आगलागी भएको थियो ।
घटनामा संलग्न व्यक्ति शक्त घाइते छन् । उनको उपचार भइरहेको छ । ती व्यक्तिले किन आगो लगाए खुलेको छैन । Photo: Yahoo
