बर्दिया, ८ साउन । बबई नदीले बगाएका दुईजनालाई तीन किलोमिटर टाढा पुर्यायो । बर्दियाको बालापुरको विपद उद्दार टोली तत्काल खटिएर उनीहरुको जिवितै उद्दार गर्यो ।
गृह मन्त्रालयका अनुसार बारबर्दियाको खुन्तिपुरमा बबई नदीले उनीहरुलाई बगाएको थियो । तीनजना बाढीले बगाएर ल्याएको काठ संकलन गर्न गएका थिए । त्यस क्रममा एकजनाको तत्काल उद्दार गरिएको थियो । बाँकी दुई जनालाई नदीले बगाएर लगेको थियो ।
अविरल वर्षाका कारण बबई नदीको बहाव बढेर खतराको तह पार गरेको छ । बबई नदी तटीय क्षेत्रमा सतर्कता अपनाउन बाढी सूचना केन्द्रले आग्रह गरेको छ ।
