बर्दिया । खसीबोका चोरीपैठारी गरी भारतबाट नेपाल ल्याउने गिरोहलाई प्रहरीले पक्राउ गरेको छ । ७ साउनको राति ११ बजे बर्दिया बढेपाताल गाउँपाकिला तिलकना कण्डपुरको भित्री गाउँबाट भीमबहादुर धर्ती, श्यामप्रकाश चौधरी, शेरबहादुर थारु र पुजा गिरी पक्राउ परेका हुन् ।
उनीहरुले चोरबाटोबाट भारत हुँदै नेपालमा खसीबोका चोरीपैठारी गरी ल्याउने गर्थे । विशेष सूचनाका आधारमा खसीबोका ट्रकमा लोड गरिरहँदा पक्राउ गरिएको जिल्ला प्रहरी कार्यालय बर्दियाले जनाएको छ ।
रातको समय पारेर भारतबाट खसीबोका ल्याएर भन्सार छल्ने गतिविधिमा लामो समययता यो गिरोह संलग्न रहँदै आएको प्रहरीले जानकारी दिएको छ ।
