काठमाडौं । नारायणगढबाट मुग्नितर्फ जाँदै गरेको लहरी विपरित दिशाबाट आएको कारसँग ठोक्किँदा अनियन्त्रित भई त्रिशुली नदीमा खसेको छ । ना ७ ख ३९३९ नम्बरको लहरी र बा २१ च ११३३ नम्बरको कार एक आपसमा ठोक्किँदा लहरी अनियन्त्रित भई सडकबाट ८९ फिट तल त्रिशुली नदिमा खसेको हो ।
आज साँझ ४ बजेतिर चितवन ईच्छाकामना गाउँपालिका वडा नम्बर ६ जलविरेस्थित् नारायणगढ–मुग्लिन सडक खण्डमा दुर्घटना भएको हो । दुर्घटनामा लहरीका चालक बारा जिल्ला परवानीपुर गाउँपालिका वडा नम्बर ५ बस्ने अन्दाजी ४० वर्षका कमलेश साह नदिमा बेपत्ता भएको प्रहरीले जानकारी दिएको छ । त्यस्तै, लहरीका सहचालक बारा जिल्लाकै अजय कुमार यादव गम्भिर घाईते भएका छन् । उनलाई हाल उपचारको लागि भरतपुर पठाईएको छ ।
तस्विर : अशोक धमला, रिपोर्टर्स नेपाल डटकम
