काठमाडौं । वृद्धामाथि खुँडा प्रहार गर्ने व्यक्ति पक्राउ परेका छन् । त्रिपुरासुन्दरी गाउँपालिका–१ ब्रतौलागाँउ बस्ने ७० वर्षीया जानुका बर्तौलालाई खुँडाले हानी घाइते बनाएको अभियोगमा सोही ठाउँ बस्ने ५० वर्षीय तेजनिधी बर्तौलालाई १९ साउनको साँझ प्रहरीले पक्राउ गरेको हो ।
तेजनिधीले मादकपदार्थ सेवन गरी जानुकालाई घाइते बनाएको खबर पश्चात ईलाका प्रहरी कार्यालय सल्यानटारबाट खटिएको प्रहरीले उनलाई खुँडा सहित पक्राउ गरेको प्रहरीले जनाएको छ । घाइतेको स्थानीय प्राथमिक स्वास्थ्य चौकीमा उपचार भइरहेको छ । यस सम्बन्धमा प्रहरीले थप अनुसन्धान गरिरहेको छ ।
