काठमाडौं, २१ साउन । स्पेनिस क्लब बार्सिलोनाका फरवार्ड लिओनल मेसी प्रशिक्षणमा फर्किएको पहिलो दिनमै घाइते भएका छन्। सोमबार प्रशिक्षणका दौरान मेसीको दायाँ खुट्टाको पिडौलामा समस्या देखिएको हो।
मेसी घाइते भएपछि बार्सिलोनाको टिम उनीबिना अमेरिका भ्रमणमा गएको छ। मेसीले आफू अमेरिका भ्रमणमा चाहेर पनि जान नपाएको उल्लेख गरेका छन्। मेसी गत साता अर्जेन्टिनामा विदा मनाएर फर्किएका थिए। बार्सिलोनाले अमेरिका भ्रमणका दौरान इटालियन क्लब नापोलीसँग २ वटा खेल खेल्नेछ।
त्यसपछि बार्सिलोना सिजनको लिग खेल्न स्पेन फर्कनेछ। स्पेनिस ला लिगा आगामी अगस्ट १७ बाट सुरु हुँदैछ। साविक विजेता बार्सिलोनाले पहिलो खेल एथ्लेटिको बिल्बाओसँग खेल्नेछ।
