ललितपुर । किशोरीमाथि जर्बजस्ती करणी गर्ने युवक पक्राउ परेका छन् । ललितपुर इमाडोल बस्ने दाङ घर भएकी १७ वर्षीया किशोरीलाई जबरजस्ती करणी गरेको अभियोगमा काठमाडौं महानगरपालिका-२३ न्यूरोडस्थित प्रसिद्ध जब सेन्टर संचालन गरी बस्ने प्रकाश थारु पक्राउ परेका हन् ।
रुपन्देही सालझण्डी गाउँपालिका-६ घर भएका ३० वर्षीय थारुलाई २० साउनको साँझ प्रहरीले पक्राउ गरेको जनाएको छ ।
थारुले ती किशोरीलाई १९ साउनमा काठमाडौं महानगरपालिका-१३ बाफलस्थित कामक्ष गेष्ट हाउसमा जबरजस्ती करणी गरेको प्रारम्भिक अनुसन्धानबाट खुलेको छ । महानगरीय प्रहरी वृत्त कालीमाटीबाट खटिएको प्रहरीले थारुलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
