काठमाडौं । उपप्रधानमन्त्री तथा रक्षामन्त्री इश्वर पोखरेल निर्मल निवास छिरेको पुष्टि भएको छ । प्रधानमन्त्री केपी शर्मा ओलीका परराष्ट्र मामला सल्लाहकार राजन भट्टराईले पोखरेल निर्मल निवास छिरेको पुष्टि गरेका हुन् ।
प्राइम टाइम्स टेलिभिजनमा ऋषि धमलासँग २१ साउनमा विशेष कुराकानी गर्दै भट्टराईले भने, उहाँ इश्वर पोखरेल निर्मल निवास वा त्यसको कम्पाउन्डभित्र जानुभएको हो । निर्मल निवासभित्र जानुमा पूर्व राजा ज्ञानेन्द्र शाहसँग भेट्ने कुनै उद्देश्य र योजनासहित नपुगेको बताए । पोखरेलसँग आफूले कुरा गर्दा निर्मल निवास गएको तर नेपाल ट्रष्टको जग्गा नीरिक्षण गर्न पुगेको खुलाए ।
नेपाल ट्रष्टको जग्गा र पूँजीको नीरिक्षण गर्न पोखरेल निर्मल निवास गएको दाबी गरे । उनले भने, ‘नेपाल ट्रष्टको संयोजकको हैसियतले उहाँ देशभर ट्रष्टको सम्पत्ति संरक्षणको उद्देश्यसहित गइरहनुभएको छ ।’ पोखरेल अन्य स्थानमा जाँदा चर्चा नभएको तर निर्मल निवासमा जाँदा चर्चा भएको बताए । उनले भने, पूर्व राजा बसेको हुनाले चर्चा भएको होला । यसअघि पोखरेल निर्मल निवास छिरेर पूर्व राजा ज्ञानेन्द्र शाहलाई भेटेको विषय चर्चामा आएको थियो । तर, पोखरेलले शाहलाई पोखरेलले नभेटेको बताए ।
ट्रष्टको संरक्षकको हिसाबले पोखरेलले जग्गा र सम्पत्ति संरक्षणका लागि सक्रियता देखाएको दाबी गरे । देशभर ट्रष्ट अन्र्तगतको सम्पत्ति नेपाल सरकारको भएकाले संरक्षण गर्नु सरकारको दायित्व भएको बताए । दायित्वलाई बुझेर सरकारले ट्रष्टको जग्गा संरक्षणमा सक्रिय भूमिका निभाइरहेको बताए ।
राजसंस्था कुनै हालतमा नफर्कने बताए । जनताले राजतन्त्र फर्काउन नहटाएको बताए । पूर्व राजा ज्ञानेन्द्र शाहले चलखेल गर्न नहुने बताए । उनले भने, ‘चुप लागेर बस्नु पूर्व राजाको हितमा छ ।’ पूर्व राजाले गलत तरिकाले चलखेल गरे सरकारले कारबाही गर्ने बताए ।
