काठमाडौं । लागूऔषधसहित युवक पक्राउ परेका छन् । काठमाडौं महानगरपालिका १४ बल्खुबाट भारत वैशाली रजासन ४ ठेगाना भएका २५ वर्षीय राहुल कुमारलाई नियन्त्रित लागूऔषध डाईजेपाम १ सय ७० एम्पुल, बुप्रेनोर्फिन १ सय ७१ एम्पुल र फेनारगन १ सय ६७ एम्पुल सहित साउन २१ को दिउँसो प्रहरीले पक्राउ गरेको हो ।
लागूऔषध नियन्त्रण ब्यूरो कोटेश्वरबाट खटिएको प्रहरीले उनलाई लागूऔषध सहित पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
