सल्यान । बन्दुकसहित दुईजना पक्राउ परेका छन् । कालिमाटी गाँउपालिका ५ मनिकपुरबाट २५ साउनमा एपीएफ टोली र स्थानीय प्रहरीले चार नाल भरुवा बन्दुकसहित दुई जनालाई पक्राउ गरेको छ । पक्राउ पर्नेमा सोही ठाउँ वस्ने टेकबहादुर कुमार र चन्द्रबहादुर रोकाय छन् ।
घर नजिकको जंगलमा दुई नाल भरुवा बन्दुक बोकी हिड्दै गरेको अवस्थामा पक्राउ परेका थिए । उनीहरुको घरबाट पनि दुई नाल भरुवा बन्दुक, राउण्ड चार वटा र ५० ग्राम बारुद बरामद गरिएको थियो । पक्राउ परेकाहरुलाई बरामद हातहतियार सहित आवश्यक कारवाहीको लागि स्थानीय प्रहरीमा बुझाइएको जनाइएको छ ।
