भक्तपुर । कौशलटारमा दुर्घटनामा दुईजना गम्भीर घाइते भएका छन् । २६ साउनको साँझ साँढे आठ बजे बा ६७ प ११ ६३ नम्बरको प्लेजर स्कुटर जाममा रोकिराखेको ट्रकमा ठोक्किदा दुईजना सक्त घाइते भएको प्रत्यक्षदर्शीले बताएका छन् ।
काठमाडौंतर्फ जाँदै गरेको ट्रक जमका बखत रोक्दा स्कुटर पछाडितर्फ ठोक्किएको थियो । घटनामा स्कुटरको अगाडिको भागमा क्षति पुगेको छ । सडकमा रगत बगेको छ । प्रत्यक्षदर्शीका अनुसार एकजनाको नाक र मुखबाट निकै रगत बगेको थियो ।
घटनापछि स्कुटरमा सवार दुईजनालाई अस्पताल लगिएको छ । घटनाका प्रत्यक्षदर्शीका अनुसार स्कुटर चालक अनियन्त्रित तरिकाले चलाइरहेका थिए । तिव्र गतिका कारण अरनिको राजमार्गमा बढी दुर्घटना हुनेगरेको छ । तस्वीरः रिपोर्टर्स नेपाल डट कम
