काठमाडौं, ४ भदौ । राष्ट्रिय सभाकी सदस्य कोमल वलीले नेपाल–भारत परराष्ट्रमन्त्री स्तरीय बैठकमा जलस्रोत सम्झौता कार्यान्वयनका विषयमा नेपालले भारतसित कुराकानी गर्न सुझाव दिएकी छिन् ।
आजको बैठकको विशेष समयमा बोल्दै सांसद वलीले यस्तो सुझाव दिएकी हुन् । नेपाल–भारत संयुक्त आयोगको बैठक आजबाट सुरु हुँदैछ । उक्त बैठकमा भाग लिनको लागि भारतीय विदेशमन्त्री डा. एस. जयशंकर काठमाडौं आईसकेका छन् ।
त्यस्तै, सांसद तारादेवी भट्टले युवाहरुलाई स्वदेशभित्र नै रोजगारीको व्यवस्था मिलाउन माग गरिन । अर्का सांसद रामप्रीत पासवानले प्रक्रिया पुगेका नागरिकलाई नागरिकता दिनुपर्ने माग गरे ।
त्यस्तै, सांसद मुक्ताकुमारी यादवले देशमा आत्महत्याका प्रवृत्ति किन बढिरहेको छ, यसतर्फ अध्ययन गरी तत्काल समस्यालाई सम्बोधन गर्ने कार्यक्रम ल्याउन सरकारसंग माग गरिन् । सांसद खिमकुमार विक र रामनारायण विँडारीले सञ्चारकर्मी रवि लामिछानेको छानबिनमा बाधा पु¥याउनेलाई कारवाही गर्नुपर्ने माग गरे ।
सांसद रमेशप्रसाद यादवले लाल आयोगको प्रतिवेदन सार्वजनिक गर्न र सांसद प्रकाश पन्तले अपाङ्गता भएका व्यक्तिको शिक्षक कोटामा अन्य व्यक्तिलाई नियुक्त नगर्न सरकारको ध्यानाकर्षण गराए ।
