काठमाडौं, ७ भदौ । अभिनेत्री करिश्मा मानन्धर यतिवेला टेन्शनमा छिन् । राजनीतिमा समेत सक्रिय रहेकी नायिका मानन्धर टेन्शनमा हुनुको कारण भने टिभी प्रस्तोता रवि लामिछानेको प्रहरी हिरासत प्रकरण रहेको छ ।
रवि लामिछाने पक्राउ परेसँगै उनले आफ्नो फेसबुक सामाजिक सञ्जालमा खुलेरै रविको विरोध गरिन् । उनले मुलुकमा प्रहरी प्रशासन, अदालत र संविधान भएकोले भीडले न्याय नदिने आशयको अभिव्यक्ति दिँदै रविको पक्षमा उर्लिएको जुलुश प्रदर्शनमाथि गम्भिर टिप्पणी गरेकी थिईन् ।
करिश्माले रवि लामिछानेको नाम नलिईकन फेसबुकमा सनसनीपूर्ण ‘स्टाटस’ लेखेकी थिइन, “राज्यको तवरबाट हुनुपर्ने कामकाज निजीतरबाट हुनु खतरानाक हुन्छ । नत्र किन चाहियो पार्लियामेन्ट, कन्स्टिच्यूसन, राज्य संयन्त्र रु यत्रो तिरो तिरिरहेका छौं । तपाईहरुले नैतिकता नगुमाएको भए यो समस्या आउने नै थिएन । अब गंगाले हात धुनेले आँट गरे । पहिल्यै भनेको थिएँ यस्तो स्वतन्त्रताले अराजकता निम्त्याउँछ । सानो देशको व्यवस्था र सम्बन्धित निकायलाई नियन्त्रणमा राख्न नसक्ने कस्तो सरकार रु अब भोग्नुस भेडाहरुको कोलाहल । सत्य तितो हुन्छ ।”
शुक्रबार जिल्ला अदालत चितवनले लामिछाने, युवराज कँडेल र अस्मिता कार्कीलाई थुनामा राखेर अनुसन्धान गर्न आदेश दिएको थियो । लामिछानेको पक्ष र विपक्षमा अहिले जुलुश तथा प्रदर्शनी भैरहेका छन् । उनी समर्थकहरुले तत्काल रिहाईको माग गरेका छन् । रविलाई यो केशमा फसाईएको उनी समर्थकहरुको दाबी छ । चितवनमा लामिछाने समर्थक र प्रहरीबीच झडप पनि भैरहेको छ ।
उनले फेसबूकमा ‘भेडाहरुको कोलाहल’ भनेर रवि लामिछानेका समर्थकलाई इंगित गरेपछि समर्थकले उनको चर्को विरोध गरेका थिए । विवादमा तानिएपछि उनले पुनः अर्को स्टाटस लेख्दै आफूले जनतालाई भेडा नभनेको स्पष्टीकरण दिएकी थिईन् ।
रवि र उनीबीच सम्बन्धलाई लिएर बेला–बेलामा चर्चा तथा परिचर्चा हुने गरेका छन् । करिश्मा यतिवेला रविको विपक्षको खुलेर लागेकी छिन् । उनले आफ्नो परिवारका सदस्यहरुसँगको कुराकानीमा पनि न्यायलयलाई चूनौति दिने मान्छेको पक्षमा आफू कहिल्यैपनि नहुने बताएको स्रोतको दाबी छ ।
पूर्व सहकर्मी शालिकराम पुडासैनीको आत्महत्या प्रकरणमा रवि लामिछाने यतिवेला प्रहरी हिरासतमा छन् । उनलाई हिरासतमै राखेर अनुशन्धान गर्नको लागि जिल्ला अदालत चितवनले दोस्रो पटक थपेको पाँच दिनको म्याद भोलि आईतबार समाप्त हुँदैछ ।
